Hamara up ek baar phir chunaavi rung mai rang raha hai. Har party, har neta aur har chutbhaiya apne apne rajye mai, apne apne logo ke saamne apne ko alag hi dhung se pesh karne ke liye laga hua hai. Jaise ki hum sab hi jaante hai abhi kuch hi din pehle Sapa (Samajwadi Party) aur Congress UP election ke liye saath aaye hai, par mera sochna yaha ye hai ki aakhir Dubtaa hua jahaag (Yaha mera ishaara Congress ke upar hai) aur Cycle aakhir kaha tak saath chal paayenge.
Khair ye soch apni apni hai, pr apna ullu seedha karne k liye Political Parties kuch bhi karne ko taiyaar rehti hai, khaaskr Election k time par. Abhi haal hi mai maine ek news padhi jisme hamari Dream Girl (Hema Malini ji) Chunaaw Prachar (Election Campaign) mai lagi thi, par Sardi mai bhi Unhe Dhoop se itni pareshani thi ki wo Apna Chehra chupaati phir rahi thi aur chaaw mai jaane k liye tadap rhi thi, jaise ki machli bina paani k tadapti hai. Aise hi hamari Dream Girl Dhoop mai pareshan thi, wo bhi January ke mahine mai. Ab aap hi bataaye, jinse apne AC rooms nhi chode jaate hai, wo aakhir Janta k bich mai rehkar kaam kaise karenge ?
Sirf Election k time par hi hamare Politicians nazar aate hai, aapke Talwe tk chaatne k liye Taiyaar rehte hai, pr election jaane ke baad, ye aise gayab hote hai, jaise Gadhe ke Sar se Seeng.
Election ke time par ek aur bahaut Intrusting Cheez nazar aati hai, hamare Dalbadlu Neta jinhe apni party se Ticket nhi milta to wo dusri parties ka Daaman Thaam Election ladte hai, aur jis party se aaye hai, usi party ko phir kehte hai wo party Bhrast thi etc. etc.
Aakhir ye Dalbadlu neta sirf kya janta ki sewa k liye Dal badalte hai ?
yaa inka Kursi Moh inse choda nhi jaata ?
Election k time par bade bade waade, party apne apne Menifesto (Ghoshna Patr) mai karti hai, par mera sawaal bus yahi hai ki kya ghoshna patr sirf election k time par hi pesh ho sakte hai ?
Jo waade parties election k time par karti hai, hum ye free denge, wo free denge, iska karza maaf karenge, vaha bijli aayegi, yaha sadak banegi, yaha school banega.. hum 10 din mai 20 din mai ya 40 din mai ye karke dikhaayenge, pr election khatam hote hai 10-20 ya 40 din kya saalo tk hum intijaar karte hai ki aakhir ye kaam hoga kab ?
Sirf janta ko dhoka dene k liye hi Manifesto (Ghoshna Patr) pesh kia jaata hai. ?
Mai yaha ye nhi keh raha ki Ghoshna Patr mai jo waade hote hai wo pure nhi hote, par mera kehna yaha ye hai ki Jo waade parties karti hai inte din mai karenge, utne din m karenge, aakhir Election Khatam hote hai wo din kaha chale jaate hai ?
Jo kaam Ghoshna Patr mai maano 10 din m hota tha wo Saalo baad hota hai, kya bus parties ye sab Ghoshnaye Sirf Vote k liye hi karti hai ?
isme janta ki Sewa kaha hai ?
Sabjbaagh dikhaa kr janta ka vote lekr, kyu aakhir Saalo lagte hai us kaam ko karne k liye ?
Mai yaha ek Udhaaran dunga apni delhi kaa hi.. jab hamare Arvind Kejriwal Ji ki party AAP (Aam Aadmi Party) record jeet ke saath delhi ki satta sambhaalne aai tab hamare Kejriwal ji bahaut bahaut bade waade karte the, Nasha Mukt Delhi, (Is Waqt Sabse Jyada Sharaab Ke Theke AAP ne Diye), Zulm Mukt Delhi, Bhrashtaachar Mukt Delhi (Apne Netaao pr lage Aarop ab sirf Yahi tak hai Ki Inhe Fasaaya Jaa raha hai), Sheila Dixit Corrupt (Election Ke Baad Sab Saboot Gayab Jo Hamare Kejriwal Ji Lekar Phirte The). Naa to Delhi Bhrashtaachar mukh hui, naa hi Ex. CM Sheila Dixit jail gai (Bulki Election Ke Baad Hamare Kejriwal ka Weight Gain ho Gaya hai), bulki husi ki baat ye hai ki jis Congress ke piche wo Haath Dhokar padi thi, ab congress Satta m nhi hai to ab inhe Congress ka kuch nazar nhi aata hai. mere kehne ka matlab ye nhi hai ki baaki parties Dudh ki Dhuli hai. yaha sirf ek Zikr kiya gaya hai.
Eehi baat mai kehna chahta hu kya ye sab Sabjbaagh election se pehle dikha kr vote hi batorne hote hai hamari parties ko ?
Vote Bank, Dalit, Pichda Samaaj, Jaat Samaj, Bhraman Samaaj, Muslim Vote Bank, etc etc. sirf aur sirf vote bank ki raajniti. Kehne ko to bharat mai sab samaan hai, pr jab vote ki baat aati hai, to apne apne Vote bank nazar aate hai aur usi samudaaye vishesh ko target karke political parties apna apna ajenda banati hai...
Aakhir ye baatne ki raajniti kab tak chalegi ?
Kab tak janta ko sabjbaagh dikha kr vote lia jaayega ?
Political parties ko samajhna chaiye ki ab daur 70-80 ka nahi hai, ab yuva samajhdar hai, use bhi nazar aata hai vote k liye kya kya hota hai, kyu aakhir Gathjodh hote hai, kyu koi kisi ka daaman thaamta hai.
Khair aakhir is election mai dekhte hai Uth (Camel) aakhir kis karvat bethega. Cycle Haath ko Support de paayegi, yaa Janta Ka Haath is Gathjodh Ke Muh Par Lagega ? Haathi Ganna khaayega yaa Phir se use Ghaas hi naseeb hogi. Kamal Khilega yaa Dubara se Kichad mai hi bada reh jaayega...
Vote Bank, Dalit, Pichda Samaaj, Jaat Samaj, Bhraman Samaaj, Muslim Vote Bank, etc etc. sirf aur sirf vote bank ki raajniti. Kehne ko to bharat mai sab samaan hai, pr jab vote ki baat aati hai, to apne apne Vote bank nazar aate hai aur usi samudaaye vishesh ko target karke political parties apna apna ajenda banati hai...
Aakhir ye baatne ki raajniti kab tak chalegi ?
Kab tak janta ko sabjbaagh dikha kr vote lia jaayega ?
Political parties ko samajhna chaiye ki ab daur 70-80 ka nahi hai, ab yuva samajhdar hai, use bhi nazar aata hai vote k liye kya kya hota hai, kyu aakhir Gathjodh hote hai, kyu koi kisi ka daaman thaamta hai.
Khair aakhir is election mai dekhte hai Uth (Camel) aakhir kis karvat bethega. Cycle Haath ko Support de paayegi, yaa Janta Ka Haath is Gathjodh Ke Muh Par Lagega ? Haathi Ganna khaayega yaa Phir se use Ghaas hi naseeb hogi. Kamal Khilega yaa Dubara se Kichad mai hi bada reh jaayega...
Khair jo bhi ho, par election ka matlab kisi jaati samudaaye, yaa vote bank ko lekr nhi, election ka matlab Desh, Raajye, Shehr ko aagey lekr chalne kaa hona chaiye.
कोई टिप्पणी नहीं:
एक टिप्पणी भेजें